Хязгаар ба давталт

Хүсэлтийн хурд

Хязгаар төсөл бүрт тооцогдоно: төслийн бүх түлхүүр болон самбараас илгээсэн хүсэлтүүд нэг хязгаарыг хуваана.

Хариу бүр X-RateLimit-Limit, X-RateLimit-Remaining толгойтой. Хязгаар хэтэрвэл 429 rate_limited буцаж, Retry-After толгойд хүлээх секундийг заана. Олон хүлээн авагч руу илгээх бол /bulk хаягийг ашигла: нэг хүсэлтээр 1,000 хүртэл.

Нэг хүлээн авагчийн хязгаар

Кодын алдаа эсвэл халдлагаас болж нэг хүн рүү хэт олон мессеж явж, кредит үрэгдэхээс сэргийлнэ.

• Хязгаарыг самбарын Тохиргоо → Илгээлт хэсэгт өөрчилнө.
• Нэг мессеж хязгаарт тулбал 429 recipient_rate_limited буцаж, Retry-After толгойтой ирнэ. Кредит суутгагдахгүй.
• Багц дотор хязгаарт тулсан хүлээн авагчийн мессеж failed болж, recipient_rate_limited алдаатай тэмдэглэгдэн кредит нь буцна. Бусад нь илгээгдэнэ.

Давхар илгээхээс сэргийлэх

Сүлжээ тасрах, хариу ирэхгүй хугацаа хэтрэх үед хүсэлт хүрсэн эсэхийг мэдэх боломжгүй. Илгээх хүсэлтэд Idempotency-Key толгой нэмбэл ижил түлхүүртэй давтан хүсэлт шинэ мессеж илгээхгүй, анхны хариуг буцаана.

curl -X POST https://api.wesend.mn/v1/sms \
  -H "Authorization: Bearer $WESEND_API_KEY" \
  -H "Idempotency-Key: order-1042-confirmation" \
  -H "Content-Type: application/json" \
  -d '{
  "to": "99112233",
  "text": "Tanii zahialga batalgaajlaa. #1042"
}'

• Түлхүүр нь 1–255 тэмдэгт, хэвлэгдэх ASCII. Захиалгын дугаар гэх мэт өөрийн системийн давтагдашгүй утгыг ашигла.
• /sms, /sms/bulk, /email, /email/bulk хаягуудад ажиллана. Түлхүүр төслийн хүрээнд давтагдахгүй байна.
• Анхны илгээлт амжилтгүй болсон бол давтан хүсэлт мөн адил алдааг буцаана. Дахин илгээх бол шинэ түлхүүр ашиглана.

Хэмжээний хязгаар